Имом Аҳмад ибн Ҳанбалнинг (раҳимаҳуллоҳ) хотинлари

• 

Подробности

Бўлим: Мақолалар

Чиққан санаси: 11 Апрель 2019

(Нашр қилинган санаси)

Савол: Имом Аҳмад (раҳимаҳуллоҳ) бир кўзи кўр солиҳа аёл – Умма Солиҳга қандай уйлангани воқеаси маълум. Бу ҳикоянинг қанчалик ҳаққоний эканлигини айта оласизми? Унинг бошқа хотини, Райҳона ҳам бир кўзи кўр бўлган экан. Шу ростми?

Жавоб: Умма Солиҳ бир кўзи кўр бўлмаган, Райҳонанинг бир кўзи кўр бўлган. Мақолада бу масалани изоҳлаб берамиз, инша Аллоҳ.
Тарихчилар имом Аҳмаднинг атиги икки марта уйланганини айтиб ўтганлар.
Дастлаб Аббос бинт Фадлга уйланган. У имом Аҳмадга Солиҳ исмли ўғил туғиб берган, шу сабабли Умма Солиҳ деб аталган.
Имом Аҳмад (раҳимахуллоҳ) у билан йигирма йил умр кўрган (айрим маълумотларга кўра, ўттиз йил). Умма Солиҳ вафот этгач, Имом Аҳмад (раҳимахуллоҳ) «Биз бирга яшаган йигирма йил (ёки ўттиз йил) ичида орамизда бирон марта жанжал бўлмаган».
Хотини вафот этганидан сўнг Имом Аҳмад (раҳимахуллоҳ) бир қариндошидан унинг холаваччаси олдига бориш ва унга турмушга чиқишни таклиф қилишни сўрайди. Бу таклиф қабул қилинади. Бироқ, қариндоши Имом Аҳмад (раҳимахуллоҳ) ёнига қайтиб келгач, имом савол беради: «Унинг синглиси, бир кўзи кўр қиз ҳам нима ҳақида сўз борганини эшитдими?» (бу савол уни қизиқтирдими деган маънода) Қариндоши у ҳам тинглаганини айтди, шунда Имом Аҳмад (раҳимахуллоҳ) деди: «Бориб, менинг номимдан бир кўзи кўр қизга совчилик қил». Қиз рози бўлди ва Имом Аҳмад (раҳимахуллоҳ) унга уйланди.
Қизнинг исми Умма Абдуллоҳ Райҳона бинт Умар бўлиб, у Имом Аҳмаднинг ўғли – Абдуллоҳнинг  (раҳимахуллоҳ) онаси бўлди. Улар биргаликда етти йил умр кечирган деб тахмин қилинади.
(қ.: Тарихи Бағдод, 16. ж., 626 саҳифа; Сияру а’алямин нубаля, 11 ж., 332 саҳифа; ТабақатулҲанабиля, 1 ж., 384-385 саҳифалар; «Манақибул-имам Аҳмад» Ибн аль-Жаузи)

Интернетдан
Абу Муслим таржимаси