Витаминлар етишмаса?

• 

Подробности

Бўлим: Саломатлик

Чиққан санаси: 31 Март 2013

(Нашр қилинган санаси)

Витаминларга бўлган эҳтиёж инсоннинг ёши, жинси, жисмоний фаоллиги, сурункали касалликларнинг бор-йўқлиги, моддалар алмашинувининг даражасига боғлиқ. Витамин етишмаслиги органзм қаришини тезлаштиради ва инфекцион касалликлар, ёмон сифатли ўсимталар келиб чиқишини оширади.

Е витаминини етишмочилиги асаб ва мушак бузилишлари, кўз мушаклари сусайиши, юрак мушаклари азият чекишига сабаб бўлади.

D витамининг етишмаса, рахит ривожланиши, асаб тизими зарарланиши мумкин.

Фолий кислотаси етишмаслиги натижасида уйқусизлик, чарчоқ, иштаҳа йўқолиши, камқонлик, ҳазм жараёни бузилиши, қўрқув ҳисси кучайиши каби белгилар кузатилади.

А витамини етишмаслиги

Иммун тизмини заифлаштиради, сўлак безлари секрециясини пасайтиради. Беморларда кўпинча қоронғида кўриш қобилятининг сусайиши каби белгилар кузатилади. Шунингдек сезиш қобилятининг бузилиши, кўзнинг қизариши, қовоқларнинг шишишига ҳам сабаб бўлиши мумкин.

В12 витамини етишмаслиги камқонлик, кайфиятнинг тез-тез бузилишига сабаб бўлади асаб тизмига салбий таъсир кўрсатади, хотирани сусайтиради.

Организмга С витамини етишмаса, милк шиллиқ пардаларнинг шишиши ва қонаши кузатилади. Бу тишларнинг тушишига сабаб бўлиши мумкин.

Витаминлар фойдаси

Таркибида А, С, D, Е, В6, витаминлари бўлган поливитаминларни ?абул ?илиш иммун тизмини мустаҳкамлаш ва шамоллаш билан боғлиқ вирусли касалликларнинг олдини олишда самарали таъсир кўрсатади.

В гуруҳи витаминлари стресс ҳолатида, операция ёки жароҳатлардан кейин иммун тизими фаолиятини кучайтиришга ёрдам беради.

С витамини ёки аскарбин кислотаси инфекция билан курашда макрофаглар фаолиятини оширади.

Е витамини қабул қилиш барча ёшдаги, айниқса, кекса беморларда касаликка қарши чидамлиликни оширади.

С ва Е витамини кўриш қобилятига ижобий таъсир кўрсатади. Масалан, катаракта билан касалланиш хавфини қайтаради, шунингдек, мавжуд касалликнинг ривожланишини секинлаштиради.