Соғиндим

• 

Подробности

Бўлим: Эркаклар учун

Чиққан санаси: 06 Март 2018

(Нашр қилинган санаси)

 

“Солиҳа хотин сенинг динингнинг ярми, қолганига ўзиниг тақво қил”, деган ҳадисга ниҳоятда мос бўлишингни соғиндим.
Доим сени кўрганда ҳурсанд бўлишимни соғиндим.
Кечалари таҳажжудга туриб, намоз ўқиганимда менга иқтидо қилишингни соғиндим.
Қуръон тиловат қилганимда, ваъда (хушхабар) оятларида ҳурсанд бўлиб, ваъид (қўрқитиш) оятларида йиғлашингни соғиндим.
Қўлларимни юқори кўтариб “Эй Роббимиз, Ўзинг бизга жуфту ҳалолларимиздан ва зурриёдларимиздан кўзимиз қувонадиган нарса ҳадя эт ҳамда бизларни тақводорларга йўлбошчи қилгин”, деб дуода ёлборганимда, сени “Омийн, омийн, омийн” деб йиғлашингни соғиндим.
Чақирган пайтимда “Лаббай, Хожам” дейишларингни соғиндим.
Уйдан кўчага чиқиб кетаётганимда “Хожам, бизга ҳалол луқма топиб келинг, ҳаром луқма керак эмас. Чунки, биз очликка чидаймиз, лекин, дўзах оловига чидай олмаймиз” деб дуолар қилиб кузатишингни соғиндим.
Ҳар гулни ҳиди бошқа десам, “Хожам, энди бошқа гулларни исини ҳидлашингизга ҳожат қолдирмайман” деб гуллардан ҳам қизғонишингни соғиндим.
“Аёллар эгри қовурғадан яралган” деганлар десам, “Кўзимни қувонтирган ҳам аёллар” деб айтганлари ҳам бор-ку, деб нозланишингни соғиндим.
“Сен менинг тақво либосимсан” десам, “Сиз ҳам, Хожам” дейишингни соғиндим.
“Ўғилларимга Аҳмаду Муҳаммад исм қўяман” десам, “Қизларимизга Оишаю Ҳадича қўямиз” дейишингни соғиндим.
Фарзандларимиз қори ва қория бўлганда, уларни кўриб кўзларимиздан тўлиб-тўлиб ёш оқишини соғиндим.
Ёнимда ўлтириб кўзларингга сурма, қўлларингга хино қўйишингни соғиндим.
Ҳар куни эрталаб ота-онамиздан дастурхон атрофида ўлтириб, улардан дуолар олишимизни соғиндим..........................!!!