У

• 

Подробности

Бўлим: Исмлар

Чиққан санаси: 02 Апрель 2013

(Нашр қилинган санаси)

Убай, Ubay (ар.) – (қадимги арабча исм, маъноси номаълум, эҳтимол “Абийй” (“Уятчан, ҳаёли”) исмининг кичрайтирма шаклидир) * 1) Убай ибн Каъб ибн Қайс ибн Убайд ибн Зайд Муовия ибн Амр ибн Молик Абул Мунзир ал-Ансорий ал-Хазражий (машҳур саҳобий, қорилар устози), 2) Убай ибн Умаро ал-Маданий (саҳобий, баъзи манбаларда отасининг исми “Убода” деб келтирилган), 3) Убай ибн Аббос ибн Саҳл ибн Саъд ал-Ансорий ас-Соъидий ал-Маданий (катта табаа тобеин).

Убайд, Ubayd (ар.) (ар.) – “Абд”нинг кичрайтирма шакли – кичик банда, Аллоҳнинг кичик ёшли бандаси (эркалаш маъносида) * 1) Убайд ибн Холид ал-Муҳорибий (саҳобий), 2) Убайд ибн Бароъ ибн Озиб ал-Ансорий ал-Ҳорисий ал-Куфий (тобеин, Робийъ ибн Бароъ, Лут ибн Бароъ ва Язид ибн Бароъларнинг туғишган биродари), 3) Убайд ал-Киндий ал-Куфий (тобеин, Муҳаммад ибн Убайднинг отаси), 4) Убайд ибн Абдураҳмон Абу Убайда ал-Музаний (табаа тобеин, Ҳайсам ибн Убайднинг отаси).

Убайда, Ubayda (ар.), (э.а.и.) – “Убайд”нинг муаннас шакли, аммо аксар ҳолларда эркакларга нисбатан ишлатилади * 1) Убайда ибн Билол ат-Тамимий ал-Басрий (кичик тобеин), 2) Убайда ибн Робийъа ал-Куфий (тобеин), 3) Убайда ибн Суфён ибн Ҳорис ибн Ҳазромий (тобеин), 4) Убайда бинти Нобил ал-Ҳижозийя (катта табаа тобеийя).

Убайдуллоҳ, Ubaydulloh (ар.) – “Абдуллоҳ”нинг кичрайтирма шакли * 1) Убайдуллоҳ ибн Аббос ибн Абдулмуттолиб Абу Муҳаммад ал-Қуроший вал-Ҳошимий (саҳобий, Набий соллаллоҳу алайҳи ва саллам амакиларининг ўғли), 2) Убайдуллоҳ ибн Асвад ал-Хавлоний (тобеин), 3) Убайдуллоҳ ибн Абу Рофеъ ал-Маданий (тобеин), 4) Убайдуллоҳ ибн Абу Жаъфар Абу Бакр (кичик тобеин), 5) Убайдуллоҳ ибн Абу Ҳумайд Ғолиб Абул Хаттоб ал-Басрий ал-Ҳузалий (катта табаа тобеин), 6) Убайдуллоҳ ибн Ҳусайн Абул Ҳасан ал-Кархий (машҳур ҳанафий фақиҳи, “Рисала фий усулил аҳнаф” асари муаллифи).

Убайроҳ, Ubayroh(қад.яҳ.-ар.) – “Иброҳим” исмининг кичрайтирилган шакли – “кичик Иброҳим” маъносини англатади.

Убода, Uboda (ар.), (э.и.) – банда, қул (“Абд” исми билан маънодош) 1) Убода ибн Сомит ибн Қайс ибн Асром ибн Фиҳр Абул Валид ал-Ансорий ал-Хазражий (машҳур саҳобий), 2) Убода ал-Ансорий аз-Зуроқий (саҳобий, Саъд ибн Убода ва Абдуллоҳ ибн Убодаларнинг отаси), 3) Убода ибн Валид ибн Убода ибн Сомит Абу Сомит ал-Ансорий (тобеин), 4) Убода ибн Нусайй Абу Умар ал-Киндий (тобеин).

Уваймир, Uvaymir (ар.) – “Омир”нинг кичрайтирма шакли * Уваймир ибн Молик ибн Қайс ибн Умайя Абу Дардо ал-Ансорий ал-Хазражий (машҳур саҳобий).

Уваймира, Uvaymira(ар.) – “Уваймир”нинг муаннас шакли.

Увайн, Uvayn(ар.) – “Авн”нингкичрайтирмашакли.

Увайна, Uvayna(ар.) – “Увайн”нинг муаннас шакли.

Увайс, Uvays (ар.) – кучли, қудратли, бақувват * 1) Увайс ибн Омир ал-Қорний ал-Муродий (катта тобеин, тобеинлар саййиди), 2) Увайс ибн Абу Увайс ат-Тамимий (тобеин).

Узайр, Uzayr (ар.) – кучли, қудратли; ёрдамчи, кўмакчи (Қадимда Бани Исроил қавмида, тахминан милоддан аввалги 450 йилларда Бобил шаҳрида Узайр исмли киши яшаб ўтган, яҳудийлар эса уни илоҳийлаштириб: “Узайр Аллоҳнинг ўғли”, деб нотўғри эътиқод қилганлар. Тўлиқроқ маълумотни Тавба сураси, 30-оятининг тафсиридан олишингиз мумкин).

Увайф, Uvayf(ар.) – “Авф”нинг кичрайтирма шакли.

Увайфа, Uvayfa(ар.) – “Увайф”нинг муаннас шакли.

Увофа, Uvofa(ар.) – “Авф” билан маънодош.

Уйайна, Uyayna (ар.), (э.и.) – кичик бўлоқ (“Айн”нинг кичрайтирма шакли) * Уйайна ибн Абдураҳмон ибн Жавшан Абу Молик ал-Ғатафоний (катта табаа тобеинлардан).

Уйғун, Uyg’un(ўз.)– келишган, мос, мувофиқ.

Умайр, Umayr (ар.) – “Умар”нинг кичрайтирма шакли * 1) Умайр (саҳобий), 2) Умайр ас-Сақофий (саҳобий, Ҳарб ибн Абдуллоҳнинг бобоси), 3) Умайр ибн Ҳабиб ибн Хумоша ал-Хотмий (саҳобий, Абу Жаъфар ал-Хотмийнинг бобоси), 4) Умайр ибн Саъд ал-Ансорий ал-Авсий (саҳобий), 5) Умайр ибн Салама аз-Зомрий ал-Маданий (саҳобий), 6) Умайр ибн Қатода ибн Саъд ибн Омир ал-Лайсий (саҳобий, Убайд ибн Умайрнинг отаси), 7) Умайр ибн Ниёр ибн Уқба ибн Ниёр ал-Ансорий (саҳобий), 8) Умайр (тобеин, Умар ибн Хаттобнинг мавлоси), 9) Умайр ибн Исҳоқ Абу Муҳаммад ал-Қуроший (тобеин).

Умайра, Umayra (ар.), (э.и.) – “Умайр”нинг муаннас шакли, аммо эркаклар исми * 1) Умайра ибн Саъд Абу Сакан ал-Ҳамдоний ал-Ёмий (тобеин), 2) Умайра ибн Абу Ножия Абу Яҳё ар-Руайний (катта табаа тобеин).

Умайя, Umayya (ар.), (э.а.и.) – Аллоҳнинг кичик бандаси * 1) Умайя ибн Махший (ёки Мухошша) Абу Абдуллоҳ ал-Хузоъий (саҳобий), 2) Умайя ибн Сафвон ибн Умайя ибн Халаф ибн Ваҳб ибн Ҳузофа ибн Жумаҳ ал-Қуроший ал-Жумаҳий ал-Маккий ал-Акбар (тобеин, “катта Умайя”, “кичик Умайя” Умайя ибн Сафвон ибн Абдуллоҳ ибн Сафвон ибн Умайя ибн Халаф ал-Қуроший ал-Жумаҳий саналади, у кичик тобеинлардандир), 3) Умайя ибн Абдуллоҳ ибн Холид ибн Усайд ибн Абул Ийс ибн Умайя ал-Қуроший ал-Умавий ал-Маккий (тобеин), 4) Умайя ибн Ҳинд ал-Музаний ал-Ҳижозий (кичик тобеин), 5) Умайя бинти Абу Солт ал-Ғифорийя (тобеийя).

Умар, Umar (ар.) – умр кўрувчи, яшовчи * 1) Умар ибн Хаттоб ибн Нуфайл ибн Абдулъуззо ибн Риёҳ ибн Абдуллоҳ ибн Қурт ибн Рузоҳ ибн Адий Абу Ҳафс ал-Қуроший ал-Адавий (машҳур саҳобий, амирул мўминин, адолат рамзи), 2) Умар ибн Абдулъазиз ибн Марвон ибн Ҳакам ибн Абул Ос Абу Ҳафс ал-Қуроший ал-Умавий (тобеин, амирул мўминин, кўпчилик уни бешинчи одил халифа деб атаган), 3) Умар ибн Саъд ибн Абу Ваққос Абу Ҳафс ал-Қуроший аз-Зуҳрий (катта тобеин), 4) Умар ибн Собит (тобеин), 5) Умар ибн Ҳафс ал-Ҳижозий ал-Маданий (табаа тобеин) 6) Умар ибн Абдулъазиз ибн Умар ибн Моза Абу Муҳаммад (катта ҳанафий олимларидан, “Ал-Фатава ас-Суғро”, “Ал-Фатава ал-Кубро”, “Шарҳул жамиъис соғийр” каби асарлар муаллифи).

Умарали, Umarali (ар.) – “Умар” ва “Али” исмлар бирикмаси.

Умаро, Umaro(ар.) – яшовчи, умр кўрувчи.

Уммат, Ummat(ар.) – уммати Муҳаммадийга мансуб банда.

Умматали, Ummatali(ар.) – “Уммат” ва “Али” исмлари бирикмаси.

Уммулкарам, Ummulkaram(ар.) – сахий, карамли, қўлиочиқ.

Уммулмаҳосин, Ummulmahosin(ар.) – гўзал, чиройли; хайр ва яхшилик соҳибаси.

Уммулфазл, Ummulfazl(ар.) – фазилат соҳибаси (“Абулфазл”нинг муаннас шакли).

Уммулфайз, Ummulfayz(ар.) – файзли, хайрли, баракали (“Абулфайз” исмининг муаннас шакли).

Уммулхайр, Ummulxayr(ар.) – хайр-саховат ва яхшилик эгаси (“Абулхайр”нинг муаннас шакли).

Уммусаодат, Ummusaodat(ар.) – бахтли, саодатли.

Умома, Umoma (ар.) – Умома бинти Ҳамза ибн Абдулмуттолиб (саҳобия).

Умрзоқ, Umrzoq(ар.-ўз.)– узоқ умр кўрувчи, умри хайрли ва баракали бўладиган.

Унайс,Unays(ар.) – “Анис”нинг кичрайтирма шакли.

Унайса, Unaysa(ар.) – “Унайс”нинг муаннас шакли.

Унсия, Unsiya(ар.), (а.и.) – дўст, дугона, ҳамроҳ; садоқатли, меҳрибон.

Урва, Urva (ар.), (э.и.) – боғ, арқон * 1) Урва ибн Жаъд ал-Боқирий ал-Аздий (саҳобий), 2) Урва ибн Мидрос ибн Авс ибн Ҳориса ат-Тоий (саҳобий), 3) Урва ибн Низол ат-Тамимий ал-Куфий (катта тобеин), 4) Урва ибн Зубайр ибн Аввом ибн Хувайлид Абу Абдуллоҳ ал-Қуроший ал-Асадий (тобеин, Ҳазрати Усмон ибн Аффон халифалигининг бошларида туғилган, Ибн Саъднинг айтилишича, у фақиҳ, олим кишилардан бўлиб, кўплаб ишончли ҳадислар ривоят қилган), 5) Урва ибн Муғийра ибн Шуъба Абу Яъфур ас-Сақофий (тобеин, Ҳамза ибн Муғийра, Ғифор ибн Муғийра ва Яъфур ибн Муғийраларнинг туғишган биродари).

Усайд, Usayd (ар.) – жасур, қўрқмас, ботир *1) Усайд ибн Ҳузайр Абу Яҳё ал-Ансорий (саҳобий), 2) Усайд ибн Сафвон (саҳобий), 3) Усайд ибн Зуҳайр ибн Рофеъ ал-Ансорий ал-Авсий (саҳобий), 4) Усайд ибн Муташаммис ибн Муовия ат-Тамимий ас-Саъдий ал-Басрий (катта тобеин), 5) Усайд ибн Рофеъ ибн Хадийж ал-Ансорий (тобеин).

Усмон, Usmon (ар.) – мард, жасур, қўрқмас; оғир, босиқ, вазмин; қул, банда * 1) Усмон ибн Аффон ибн Абул Ос ибн Умайя Абу Амр ал-Қуроший ал-Умавий (машҳур саҳобий, ашараи мубашшаралардан, амирул мўминин, зуннурайн – Пайғамбаримиз соллаллоҳу алайҳи ва салламнинг куёвлари), 2) Усмон ибн Мазъун ибн Ҳабиб ибн Ваҳб ибн Ҳузофа ибн Жумаҳ ал-Жумаҳий (машҳур саҳобий, ўн тўртинчи киши бўлиб Исломга кирган), 3) Усмон ибн Абул Ос ибн Бишр ибн Абд ибн Даҳмон Абу Абдуллоҳ ас-Сақофий ат-Тоифий (саҳобий), 4) Усмон ибн Ҳаниф ибн Воҳиб Абу Амр ал-Ансорий ал-Авсий (саҳобий), 5) Усмон ибн Талҳа ибн Абу Талҳа ибн Усмон ал-Қуроший ал-Абдарий ал-Ҳажабий (саҳобий), 6) Усмон ибн Али ибн Муҳаммад Фахриддин аз-Зайлаъий (ҳанафий фақиҳи, “Табйинул ҳақоиқ фий шарҳи канзид дақоиқ” ва “Шарҳул жамиъил кабийр” асарлари муаллифи).

Усмонали, Usmonali(ар.) – “Усмон” ва “Али” исмлари бирикмаси.

Усома, Usoma (ар.), (э.и.) – жасур, ботир, паҳлавон * Усома ибн Зайд ибн Ҳориса ибн Шароҳийл Абу Муҳаммад (саҳобий, Расулуллоҳ соллаллоҳу алайҳи ва салламнинг тутинган ўғиллари ва мавлолари Зайд ибн Ҳорисанинг ўғли), 2) Усома ибн Ахдарий ат-Тамимий (саҳобий), 3) Усома ибн Шарик ас-Саълабий аз-Зубёний (саҳобий), 4) Усома ибн Умайр ибн Омир ибн Уқайшир ал-Ҳузалий ал-Басрий (саҳобий).

Утба, Utba (ар.), (э.и.) – 1) Утба ибн Надр ас-Суламий (саҳобий), 2) Утба ибн Абд Абул Валид ас-Суламий (саҳобий), 3) Утба ибн Увайм ибн Соъида ал-Ансорий ал-Маданий (саҳобий), 4) Утба ибн Ғазвон ибн Жобир Абу Абдуллоҳ ал-Мозиний (саҳобий), 5) Утба ибн Фарқод ибн Ярбуъ ибн Ҳабиб ибн Молик Абу Абдуллоҳ ас-Суламий (саҳобий), 6) Утба ибн Ғазвон ар-Риқоший (тобеин), 7) Утба ибн Муҳаммад ибн Ҳорис ибн Навфал ал-Қуроший ал-Ҳошимий (тобеин).

Уқайл, Uqayl (ар.) – “Ақийл”нинг кичрайтирма шакли * 1) Уқайл ибн Абу Толиб ибн Абдулмуттолиб Абу Язид ал-Қуроший ал-Ҳошимий (саҳобий, Али ибн Абу Толиб ва Жаъфар ибн Абу Толибларнинг туғишган биродари), 2) Уқайл ибн Талҳа ас-Суламий (тобеин).

Уқайла, Uqayla(ар.) – “Уқайл”нинг муаннас шакли.

Уқба, Uqba (ар.), (э.и.) – охири, ниҳояси; Охирати хайрли бўлсин деган ниятда қўйиладиган исм * 1) Уқба ибн Омир Абу Ҳаммод ал-Жуҳаний (саҳобий), 2) Уқба ибн Амр ибн Саълаба ибн Амр ибн Асиро ибн Асиро Абу Масъуд ал-Ансорий (саҳобий), 3) Уқба ибн Молик ал-Лайсий (саҳобий), 4) Уқба ал-Жуҳаний (саҳобий), 5) Уқба ибн Ҳорис ибн Омир ибн Навфал ал-Қуроший (саҳобий), 6) Уқба ибн Абу Зайнаб (кичик тобеин).