Ж

• 

Подробности

Бўлим: Исмлар

Чиққан санаси: 02 Апрель 2013

(Нашр қилинган санаси)

Жабборқул, Jabborqul(ар.-ўз.) – махлуқотлари устидан мутлоқ Ғолиб бўлган Аллоҳнинг бандаси.

Жабр, Jabr (ар.) – ислоҳ қилиш, тузатиш; ислоҳ қилувчи * 1) Жабр ибн Атийк ибн Қайс ал-Ансорий ас-Суламий (саҳобий), 2) Жабр ибн Убайда (тобеин), 3) Жабр ибн Навф Абу Ваддок ал-Ҳамдоний ал-Биколий (тобеин).

Жавлон, Javlon(ар.) – ҳаракатчан, чаққон.

Жавод, Javod(ар.) – мурувватли, сахий.

Жавоҳир, Javohir(ар.) – қадрли, қимматли; ҳурматли, обрўъли.

Жавоҳира, Javohira(ар.) – “Жавоҳир”нинг муаннас шакли.

Жавҳар, Javhar(ар.) – қадрли, ҳурматли; кучли, қудратли.

Жазил, Jazil(ар.) – кўп; яхши; мақбул.

Жазила, Jazila(ар.) – “Жазил”нинг муаннас шакли.

Жалилберган, Jalilbergan(ар.-ўз.) – буюк ва улуғ Аллоҳ берган фарзанд.

Жалилберди, Jalilberdi(ар.-ўз.) – “Жалилберган” билан маънодош.

Жалилқул, Jalilqul(ар.-ўз.) – улуғлик ва буюкликни Ўзида жамлаган олий Зот – Аллоҳнинг бандаси.

Жалолиддин, Jaloliddin(ар.) – Ислом динининг улуғлиги, буюклиги.

Жамил, Jamil (ар.) – чиройли, кўркам, келишган, хушбичим * 1) Жамил ибн Мурра аш-Шайбоний ал-Басрий (кичик тобеинлар билан замондош бўлган ишончли ҳадис ровийси), 2) Жамил (кичик тобеинлар билан замондош бўлган, ривояти мақбул).

Жамила, Jamila (ар.) – “Жамил”нинг муаннас шакли * Жамила бинти Убод (тобеийя).

Жамол, Jamol(ар.) – чиройли, келишган.

Жамола, Jamol(ар.) – “Жамол”нинг муаннас шакли.

Жамолиддин, Jamoliddin(ар.) – Ислом динининг чиройи, кўрки, файзи.

Жаннат, Jannat(ар.), (а.и.) – жаннат (Аллоҳнинг амрига мувофиқ ҳаёт кечирган солиҳ бандалар кирадиган макон. Бу исм жаннатга киришга сабаб бўладиган амалларни қилувчи банда бўлсин деган ниятда қўйилади).

Жаннод, Jannod(ар.) – “Жунайд”га қаранг.

Жаннода, Jannoda(ар.) – “Жаннод”нинг муаннас шакли.

Жарир, Jarir (ар.) – чаққон, уддабурон; мустаҳкам * 1) Жарир ибн Абдуллоҳ ибн Жобир Абу Амр ал-Бажалий ал-Қасрий (саҳобий), 2) Жарир аз-Зоббий (тобеин, Фузайл ибн Ғазвон ибн Жарирнинг бобоси), 3) Жарир ибн Саҳм ат-Тамимий (тобеин).

Жарира, Jarira(ар.) – “Жарир”нинг муаннас шакли.

Жарроҳ, Jarroh (ар.) – моҳир табиб, ўз ишига уста бўлган ҳаким * 1) Жарроҳ ибн Абу Жарроҳ ал-Ашжаъий (саҳобий), 2) Жарроҳ ибн Малиҳ ибн Адий ибн Фарс Абу Вакиъ ар-Рувосий (катта табаа тобеин), 3) Жарроҳ ибн Малиҳ Абу Абдураҳмон ал-Баҳроний (катта табаа тобеин), 4) Жарроҳ ибн Заҳҳок ибн Қайс ал-Киндий ал-Куфий (катта табаа тобеин).

Жарроҳа, Jarroha(ар.) – “Жарроҳ”нинг муаннас шакли.

Жасорат, Jasorat(ар.), (а.и.) – жасоратли, жасур, жасорат рамзи.

Жасур, Jasur(ар.) – мард, жасур, журъатли.

Жасура, Jasura– “Жасур”нинг муаннас шакли.

Жаъфар, Ja’far (ар.) – ариқ, анҳор; сариқ рангли гул * 1) Жаъфар ибн Абу Толиб ибн Абдулмуттолиб Абу Абдуллоҳ ал-Қуроший ал-Ҳошимий (саҳобий, Али розийаллоҳу анҳунинг акаси, Мута жангида шаҳид бўлиб, Тайёр лақабини олган), 2) Жаъфар ибн Амр ибн Ҳурайс ал-Қуроший ал-Махзумий (тобеин), 3) Жаъфар ибн Абдуллоҳ ибн Ҳакам ибн Рофеъ ибн Синон ал-Ансорий ал-Авсий ал-Маданий (тобеин, Абдулҳамид ибн Жаъфарнинг отаси).

Жаъфармаҳмуд, Ja’farmahmud(ар.) – “Жаъфар” ва “Маҳмуд” исмлари бирикмаси.

Жаъфармуҳаммад, Ja’farmuhammad(ар.) – “Жаъфар” ва “Муҳаммад” исмлари бирикмаси.

Жаъфарсиддиқ, Ja’farsiddiq(ар.) – “Жаъфар” ва “Сиддиқ” исмлари бирикмаси.

Жаъфарсодиқ, Ja’farsodiq(ар.) – “Жаъфар” ва “Содиқ” исмларининг бирикмаси * Жаъфар Содиқ ибн Муҳаммад Боқир Абу Абдуллоҳ ал-Ҳошимий ал-Алавий (Зайдийя имомларидан бири, Молик, Саврий ва Ибн Уйайналар ундан ҳадис ривоят қилишган, Абу Ҳанифа у ҳақида: “Жаъфар Содиқдан кўра фақиҳроқ олимни кўрмаганман”, деган).

Жаҳонгир, Jahongir(ар.-фт.) – оламни фатҳ этувчи; ғолиб, музаффар (“Оламгир” исмининг бошқа шакли).

Жобир, Jobir (ар.) – ислоҳ қилувчи, тузатувчи, яхшиловчи * 1) Жобир ибн Абдуллоҳ ибн Амр ибн Ҳаром Абу Абдуллоҳ ал-Хазражий ал-Ансорий (машҳур саҳобий), 2) Жобир ибн Самура ибн Жунода Абу Абдуллоҳ ас-Сувоий (саҳобий), 3) Жобир ибн Сулайм ал-Ҳужаймий ат-Тамимий (саҳобий), 4) Жобир ибн Ториқ ибн Авф Абу Ҳаким ал-Аҳмасий (саҳобий, Ҳаким ибн Жобирнинг отаси), 5) Жобир ибн Атийк ибн Қайс ибн Асвад ибн Муррий ибн Каъб ибн Ғонм ибн Салама ал-Ансорий ас-Суламий (саҳобий), 6) Жобир ибн Умайр ал-Ансорий (саҳобий), 7) Жобир ибн Зайд Абу Шаъсоъ ал-Аздий ал-Йаҳмадий (тобеин), 8) Жобир ибн Сайлон (тобеин).

Жобира, Jobira(ар.) – “Жобир”нинг муаннас шакли.

Жоҳид, Johid(ар.) – жидду-жаҳд қилувчи, ҳаракатчан, тиришқоқ.

Жоҳида, Johida(ар.) – “Жоҳид”нинг муаннас шакли.

Жория, Joriya(ар.), (а.и.) – Аллоҳнинг хизматкори, Аллоҳнинг қули.

Жоруллоҳ, Jorulloh(ар.) – Аллоҳнинг яқин, муқарраб бандаси (Маҳмуд Абулқосим аз-Замахшарийнинг лақаби).

Жуайл, Juayl (ар.) – амалга оширувчи, бажарувчи (“Жоил”нинг кичрайтирма шакли) * Жуайл ибн Зиёд аз-Зомрий (саҳобий).

Жуайла, Juayla(ар.) – “Жуайл”нинг муаннас шакли.

Жубайр, Jubayr (ар.) – “Жабр”нинг кичрайтирма шакли * 1) Жубайр ибн Мутъим ибн Адий ибн Навфал Абу Муҳаммад ал-Қуроший ан-Навфалий (машҳур саҳобий), 2) Жубайр ибн Нуфайр ибн Молик ибн Омир Абу Абдураҳмон ал-Хазромий (катта тобеин), 3) Жубайр ибн Абу Сулаймон ибн Жубайр ибн Мутъим ал-Қуроший ан-Навфалий ал-Маданий (тобеин, Усмон ибн Абу Сулаймоннинг туғишган биродари), 4) Жубайр ибн Ҳаййа ибн Масъуд ибн Муътаб ас-Сақофий ал-Басрий (тобеин), 5) Жубайр ибн Абу Солиҳ ал-Ҳижозий (катта табаа тобеин).

Жубайра, Jubayra(ар.) – “Жубайр”нинг муаннас шакли.

Жувайбир, Juvaybir (ар.) – “Жобир” исмининг кичрайтирма шакли, яъни мазкур исм “кичик Жобир” маъносини англатади.

Жувайбира, Juvaybira(ар.) – “Жувайбир”нинг муаннас шакли.

Жувайрия, Juvayriya (ар.), (а.э.и.) – “Жория” исмининг кичрайтирма шакли * 1) Жувайрия бинти Ҳорис ибн Зирор ал-Хузоийя ал-Мустолиқийя (саҳобия, уммул мўминин), 2) Жувайрия ибн Қудома ат-Тамимий (тобеин), 3) Жувайрия ибн Асмоъ ибн Убайд ибн Мухориқ (табаа тобеин).

Жунайд, Junayd(ар.) – хоксор, мутавозеъ; машҳур, ҳурматли; аскар, ёрдамси, халоскор.

Жунайда, Junayda(ар.) – “Жунайд”нинг муаннас шакли.

Жунайдуллоҳ, Junaydulloh(ар.) – Аллоҳнинг хоксор бандаси.

Жундуб, Jundub (ар.) – (баъзи манбаларда “Жундаб” тарзида келтирилган) Жундуб ибн Жунода ибн Суфён ибн Убайд Абу Зарр ал-Ғифорий (машҳур саҳобий).

Жунода, Junoda (ар.), (э.и.) – “Жунайд” билан маънодош * 1) Жунода ибн Абу Умайя Абу Абдуллоҳ (катта тобеин), 2) Жунода ибн Салм ибн Холид ибн Жобир ибн Самура Абулҳакам ал-Омирий ал-Куфий (кичик табаа тобеин, Абу Соиб Салм ибн Жуноданинг отаси).

Жўшқин, Jo’shqin(ўз.) – ғайратли, шижоатли, ҳаракатчан.