Севги - Аллоҳнинг эҳсони

• 

Аллоҳ таоло одам боласига жуфтни бегона жинсдан эмас, айнан ўз жинсидан яратди ва ўрталарига меҳр-муҳаббат солди. Бу ҳақда Аллоҳ таоло Рум сурасида айтади: "Унинг оятларидан яна бири — У зот сизлар ҳамдам бўлишларингиз учун ўзларингиздан жуфтлар яратиши ва ўрталарингизда ошнолик ва меҳр-муҳаббат пайдо қилишидир" (21-оят). Демак, эркак-аёл ўртасидаги севги оддий ҳодиса эмас, буюк бир илоҳий лутфдир. Ахир У севдирмаса, инсон ниманиям сева оларди. Пашшага чиқитларни лаззатли туйдирган, мушукни сичқонга мафтун этган бир ҳикмат ила инсоннинг қалбига ҳам меҳр-муҳаббат туйғуси кирди. Йўқса, ҳеч бир эркак даромадига шерик, устига юк бўладиган аёлни севармиди, бир неча фарзандни боқишдек машаққатли вазифани елкасига олармиди?

Инсон наели давом этишини Аллоҳ таоло эркак-аёл муносабатларига боғлади ва бу вазифани адо этишдаги машаққат-қийинчиликларни ҳар икки дилга севикли ва оромбахш айлади.
Аммо бугунги кунда бир таҳлика мавжудки, у ҳам бўлса, аёл севгисининг янглиш тушунилишидир. Ҳар нарсанинг яхшиси - ҳалол доирада бўлганидир. Ҳалол топмоқ, ҳалол емоқ, ҳалол киймоқ ва, табиийки, ҳалол севмоқ.

Аёл нима учун севилади? Афсуски, кўпгина ёшларимиз, ҳатто баъзи катталаримиз ҳам аёлни севиш тушунчасини янглиш англаганлар. Аслида, бу нарса юқорида эслаганимиз оятнинг сабоғи асосида тушунилмоғи керак. Аёлни эркакка, эркакни аёлга севдирган Аллоҳцир, Аллоҳнинг бу севдириши ҳалол доирададир ва ҳақ учун, яхшилик учундир. Ғайримашруъ севгилар эса, бу доирага кирмайди, ундай севгилар раҳмоний эмас, шайтонийдир. Пайғамбаримиз соллаллоҳу алайҳи васаллам: "Аёллар шайтоннинг тузоғидир", деганларида айнан шайтоний севги домига илинганларнинг аччиқ ва аламли аҳволини очиқ баён этганлар.

"Севги нима?" китоби асосида тайёрланди